Об этом документе

11 Nissan 5742 — yiddish

Выпуск: 11 Nissan 5742 — yiddish. Темы: shabbat_laws, kashrut, family_education, chassidus_hashkafa, holidays, health_mind. Поисковые термины: шаббат, законы шаббата, melacha, hilchot shabbat, שבת, הלכות שבת, מלאכה, кашрут, кошер, kosher, kashrut, כשרות, כשר, воспитание, дети, семья, chinuch, family, חינוך, ילדים. ‫התוועדות י"א ניסן ה'תשמ"ב‬ ‫בס"ד‪ .‬שיחת י"א ניסן ה'תשמ"ב‪.‬‬ ‫הנחה פרטית בלתי מוגה‬ ‫שיחה ג'‪:‬‬ ‫ווי דערמאנט פריער‪ ,‬ווערט ערווארט פון יעדער מענטשן‪ ,‬אז וויבאלד אז דער‬ ‫אויבערשטער גיט אים צייט און יארן אז ער זאל וואקסן – זאל ער וואקסן צום אלעם‬ ‫ערשטן אין דער נשמה און אין רוחניות‪ ,‬וואס דאס קומט צוזאמען מיטן וואקסן פון‬ ‫דעם גוף‪ ,‬און ווי דער אלטער רבי אונטערשטרייכט אין תניא‪ ,‬אז "גופם טפל ונפשם‬ ‫עיקר"‪ :‬אז דער עיקר ווקאסן דארף גאר זיין אין דער נשמה‪ ,‬און דורך דערויף‪ ,‬אלס א‬ ‫טפל‪ ,‬וואקסט אויך דער גוף‪.‬‬ ‫וואס אט דא ווערט דאך די שאלה וואס מ'פרעגט – און ליידער איז דא גאר אזוינע‬ ‫וואס פרעגן ניט‪ ,‬נאר אליין מאכן זיי שוין די מסקנות‪ ,‬כאטש אפילו די שאלה האט‬ ‫דעם ריכטיקן ענטפער – אז וויבאלד אז ער איז געווארן מיט א יאר עלטער‪ ,‬במילא איז‬ ‫ער דאך שוין ניט – ווי די וועלט מיינט – מיט די כחות וואס ער האט געהאט מיט א‬ ‫יאר פריער‪ ,‬בארעכטיגט דאס אים אז ער זאל עפעס נאכגעבן און טאן ווייניקער אין די‬ ‫ענינים וואס זיינען פארבונדן מיט זיין שליחות‪.‬‬ ‫און ווי עס פירט זיך גראדע אין מדינה זו‪ ,‬וואס זי איז דאך געבויט געווארן אויף‬ ‫"מרץ"‪ ,‬אויפגעבויט געווארן און מ'האט דאס אוועקגעשטעלט אלס א ציל‪ ,‬אז מ'זאל‬ ‫זען זיך אויפארבעטן‪ ,‬ביז וואנעט אז דאס ווערט שוין אמאל איבערטריבן‪ ,‬און מ'מאכט‬ ‫דערפון דעם עיקר‪ :‬אז אין וואס באשטייט דער אויפארבעטן? אין די ענינים פארבונדן‬ ‫מיט כסף וזהב‪ ,‬ענינים פארבונדן מיטן גוף‪ ,‬און מ'מאכט דערפון דעם עיקר; און דוקא‬ ‫אין דער מדינה האט מען איינגעפירט‪ ,‬אז בשעת א מענטש ווערט אלט עטלעכע און‬ ‫פערציג יאר‪ ,‬ווער רעדט נאך – פופציג יאר‪ ,‬ווער רעדט נאך – עטלעכע און פופוציג‬ ‫יאר‪ ,‬בארעכטיגט דאס אים‪ ,‬אז ער זאל שוין טראכטן וועגן "רעטייער'ן"‪ ,‬וועגן ווערן‬ ‫ווייניקער אקטיוו אין זאכן וואס זיינען פארבונדן מיט מענטשלעכקייט‪ ,‬וואס דאס איז‬ ‫דער עיקר און דער תכלית פון זיין באשאף‪.‬‬ ‫און בשעת מ'פרעגט ביי אים‪ :‬דער אויבערשטער האט דאך באשאפן א מענטשן‬ ‫– "אדם לעמל יולד" – כדי ער זאל הארעווען און אויפטאן אין דעם אויבערשטנ'ס‬ ‫וועלט‪ ,‬איז וויבאלד אז דער אויבערשטער גיט דיר פופציג יאר‪ ,‬און דערנאך אן איין‬ ‫און פופציגסטן יאר‪ ,‬און א זעכציק יאר‪ ,‬און אן איין און זעכציגסטן יאר – איז דאך‬ ‫דאס א ראיה אז דו האסט נאך וואס צו א

Издание

Farbrengen With The Rebbe - Kovtzim

Страниц

31

Темы: shabbat_laws, kashrut, family_education, chassidus_hashkafa, holidays, health_mind